SEPANG: Suspek munuh siku polis,Lans Koperal Velentino Mesa di sebuah Balai Polis Pinggiran USJ Subang Jaya, udah mujur ditangkap.
Suspek Franky Jonathan Tarang, 34, asal ari Rumah Lachak, Nyalak Ladong nitihka penerang ke mega kaban Velentino mujur ditangkap ba KLIA urung pukul 7.30 malam lebuh ke deka mulaika diri nepan bilun ke Sibu.
“Suspek mujur disidi ba KLIA ti ngujungka iya ditangkap polis lalu diserah mgagai raban penasat ari bagi pengawa salah indu opis polis Subang Jaya,” pia ku penerang nya.
Kena pukul 3.30 dinihari Hari Tiga, bangkai Lans Korporal Velentino Mesa, ditemu bakih ke sama enggau iya kerja baru pulai bejalaika pengawa matau, gegaring dalam Balai Polis Pinggiran USJ, ke mega bisi bekau dipantap sereta ditimbak ari semak.
Nitihka penerang, penusah nya dipechaya nyadi ketegal bisi penyarut entara seduai iya.
Bangkai niang udah dibai ngagai Sepital Serdang ngambika dibuntas tasat.
