SUPP, UPP patut ulih bekerejasama

Deputy Prime Minister, Datuk Seri Dr Ahmad Zahid Hamidi.

KUCHING, Mac 5: SUPP enggau UPP udah bisi kerejasama formal enggau enda formal, ku Sapit Menteri Besai Datuk Seri Ahmad Zahid Hamidi.

Tajapan kededua parti enda ulih digempung ku iya, ke pemadu beguna amat SUPP enggau UPP ulih bekerejasama.

Sapit Chairman Barisan Nasional (BN) Renggat Menua nya madah kerejasama deka nentuka kededua parti ulih besaup napi Pengawa Bepilih Besai Ke-14 (PRU14).

“Reti nya sida deka nyukung pangan diri baikka chalun ari BN diarika SUPP tauka UPP.

“Aku deka bela nyaup lalu nentuka kitai bulih pemutus ke maksima iya nya ke pemadu nyulut ba PRU14,” ku iya ba aum pengarang berita di Kuching kemari.


Ahmad Zahid pechaya nengah kerejasama entara dua parti nya, Sarawak nadai napi penanggul nempa pemujur besai.

Ditambah enggau parti politik enggau pengundi ditu baru udah nempuh pengawa bepilih nengeri ti mandangka BN Sarawak menang besai.

Ari semua 31 sitak parlimen di Sarawak, kitai deka lebih meratka sekeda kandang parlimen, tandu Ahmad Zahid. — DayakDaily