SUPP bisi 33,000 iku kaban Bumiputera

KUCHING, Dis 17: Penyampau kaban Bumiputera ti nyereta Parti Rakyat Bersatu Sarawak (SUPP) diatu majak mayuh.

Nitihka statistik enam bulan ke udah, Presiden parti nya Datuk Dr Sim Kui Hian madahka urung satu per tiga kaban SUPP nya Bumiputera.

Penyampau kaban Bumiputera bisi 33,000 iku ari 110,000 penyampau semua kaban parti lalu penyampau nya majak nambah.

Ku Dr Sim, iya deka mantaika.penyampau ke amat kaban nya maya aum pengari tiga taun sekali ke diatur kena Hari Empat enggau Lima ke deka datai tu ila.

Iya bejaku munyj nya ba pengerami nyuaka cek ngagai 21 gerempung ukai dikuasa perintah (NGO) ba indu opis SUPP ditu kemari.

Ba pun penumbuh parti ke pemadu tuai di Sarawak dalam taun 1959, SUPP ngembuan mayuh kaban Bumiputera.

Taja pia penyampau nya majak kusut pengudah mayuh parti bepelasarka Bumiputera Parti Pesaka, BARJASA enggau PANAS ditubuh ketegal deka nwgika Bumiputera. — DayakDaily