KOTA SAMARAHAN, Ogos 13: Sukung pengundi Melayu/Melanau ngagai Pakatan Harapan nambah 6 peratus maya pengawa bepilihan besai ke-14 (PRU14).
Nitihka penganalisis politik ari Universiti John Cabot, Profesor Madya Dr Bridget Welsh, penyampau pengundi Melayu/Melanau ke nyukung PH iya nya 8 peratus ba PRU13 serwta nambah ngagai 14 peratus ba PRU14.
Iya madah munyj nya meri licha “New Roles and New Relationship in Malaysia: Premelinary reflections” di Universiti Malaysia Sarawak ditu kemari.
Ku Bridget, ungkup pengundi Iban penyampau sukung ngagai PH bisi 9 peratus, ari 21 peratus ba taun 2013 ngagai 32 peratus taun tu.
Ungkup pengundi Bidayuh enggau ke bukai bisi kusut ari 44 peratus ngagai 27 peratus.
Penyampau pengundi Cina ke nyukung PH nambah 3 peratus ari 77 peratus ngagai 80 peratus.
Peratus ke turun ngundi iya nya 72 peratus ba pengundi Melanau, Cina (78 peratus), Iban (72 peratus) sereta Bidayuh enggau ke bukai 55 peratus. — DayakDaily
