Subjek rampa menua deka dikena dalam silibus sekula

Datuk Seri Wan Junaidi Tuanku Jaafar

KUALA LUMPUR, April 14: Subjek rampa menua deka dkena dalam silibus sekula primari enggau sekondari taun baru.

Menteri Pengeraja Asal enggah Rampa Menua Datuk Seri Dr Wan Junaidi Tuanku Jaafar madahka tuju nya dikena nambahka penemu dikena mutarka isu rampa menua ti paturt diterenak berengkah ari sida agi biak.

Iya ngarapka subjek ulih ngadaka rebak ti nemu pasal ubah ba pengangat enggau penyelap dunya.

“Laban tetiap nembiak suah nyungkit pasal isu rampa menua… nya kebuah nengah chara komprehensif kitai mantaika subjek tu di sekula lalu kitai ngarapka nyerumba 2050 semua rayat Malaysia deka nemu pasal pemesai guna,” ku iya pengudah bejaku ba Aum enggau Simposium ASIAWATER 2018, ditu empai lama udah.

Wan Junaidi madah, pengawa mantaika subjek tu asil kerejasama enggau mayuh bengkah opis baka Opis Menteri Pelajar enggau Opis Menteri Kuasa, Teknologi Gadung enggau Ai. — DayakDaily