KUCHING, Jan 19: Software aplikasi Bantu Rayat 1Malaysia (BR1M) diatu udah bisi ba Play Store nyema kita platform Android tauka App Store ari platform iOS.
Opis Asil Dalam Negeri Malaysia (IRBM) nengah penerang berita kemari nengah aplikasi tu, tetiap iku peminta BR1M ulih meresa pom minta BR1M, status minta BR1M enggau bayar ti deka ngemudahka peminta meresa ke tau enda ibuh agi betelefon ngagai opis nya tauka bebaris panjai ba kanunter di serata Malaysia.
Peminta semina download aja aplikasi nya ari Play Store ngena leka jaku “Check BR1M” lalu nitihka pemadah ke disedia.
IRBM mega madahka aplikasi nya sofware nya digaga ke pengelantang minta BR1M. — DayakDaily
