SELANGAU, Jun 18: Kaban Parlimen Selangau Baru Bian madahka pemansang pelasar infrastraktur ba Parlimen nya deka di diteruska seraya minta bala ketuai raban bansa enggau etnik ngenataika pinta sida ngagai iya.
“Aku nemu bungkur sitak Parlimen Selangau besai lalu tebal agi kandang menua baka Sungai Kakus, Ulu Anap enggau Ulu Sangan ahi bepanggai ba jalai balak enggau sungai ke ditengah sida.
“Ketegal gaya geografi ti kelalu jauh ke dalam nya alai agi mar ngulihka bekal lektrik (bekal elektrik menua pesisir) enggau jalai. Aku deka naka ulih ngulihka penerang lalu ngenataika ngagai opis ke bekaul,” ku Baru lebuh bejaku ba Pengerami Ngiling Bidai sitak Parlimen Selangau di Rumah Jelaping, Selangau, Tatau malam kemari.
Sentang pemansang ekonomi di menua nya enggau pelajar, Baru ke mega sapit chairman Pakatan Harapan Sarawak ngelalau peranak di Selangau terus beratka pelajar bala anak sida ke nyadi batang kunchi dikena ngangkat tikas ekonomi mereka.
Ku iya, nengah pemisi tiga buah sekula sekondari (SMK Tatau, SMK Ulu Balingian dan SMK Luar Bandar No. 1, Sibu) enggau 37 sekula sekondari (15 di pelilih Tatau sereta 22 buah SK di pelilih Selangau) ngemudahka bala anak sida besekula. — DayakDaily
