Setaun nyadi KM, Abang Johari udah bejalaika pengawa enggau manah

Datuk Seri Fadillah Yusof

KUCHING, Jan 13: Dalam timpuh setaun, Datuk Patinggi Abang Johari Tun Openg udah ngaga pengawa ke pemaik negeri enggau menua tu, ku Menteri Kereja Raya ke mega Kepala Nembiak Parti Pesaka Bumiputera Bersatu (PBB), Datuk Seri Fadillah Yusuf.

“Iya ke nyadi ‘kapten baru Tim Tok Nan’ udah nampung semua polisi enggau semaya ti digaga niang Pehin Sri Adenan Satem maya menang ba Pengawa Bepilih Kunsil Negeri Ke-11 (PRK-11).

“Tu nyengkaum randau bekaul mulaika kuasa enggau perintah besai dikena nuntut pulai hak Sarawak,” ku iya kemari.

Ku iya, perintah negeri diiring Abang Johari udah nganjung siti tim ke London beratika baru fail semua hak Sarawak baka ke bisi dalam Sempekat Malaysia 1963 (MA63) sereta hak negeri Sarawak maya agi ari baruh pegai perintah British.

“Kepala Menteri mega udah mantaika polisi baru dikena ngerembaika pemansang negeri Sarawak baka ekonomi digital,ke udah nerima sambut manah kelebih agi raban biak. — DayakDaily