Sekeda genturung bukai bela deka bulih pemaik ari Festival Tagang Entarabansa — Mangang

People in boats paddle down a river. — DayakDaily.com file pic. // Photo: Pixabay

KUCHING, Ogos 28: Mayuh macham aktiviti ti ngerinduka ati diatur di Festival Tagang Entarabansa Semadang pengelama dua hari berengkah ari Ogos 31 ngagai Sept 1.

Chairman pengatur begulai festival, Mangang Samson ke mega ketuai kampung Semadang madah, beberapa genturung pendiau baka Kpg Danu, Semadang, Giam enggau Kpg Git ba semanjai Sungai Semadang (muak ke Uu Sungai Kiba Sarawak) deka bulih pemaik ari festival nya lebuh urung 30,000 iku anak ikan enggau 30,000 anak udang dilepaska di tebing genturung pendiau nya.

Ku iya Sapit Menteri Perengka Pengangkut negeri ke mega Adun Mambong Datuk Dr Jerip Susil deka ngelepaskanl anak ikan enggau udang nya maya ngelancharka festival nya.

Festival nya diatur begulaj enggah Komiti Pemansang enggau Pengelikun Genturung Pendiau Kpg Semadang, Opis Betanam Betupi Negeri enggaj Komiti Sistem Tagang Kpg Semadang.

Berebak enggau nya, direktor festival Robert Kenneth madah entara aktiviti ke diatur maya festival nya baka pekit, pekit Indu Bajik Tagang, tanda tradisional enggau pekit muzik tradisional, pekit nyumai, street soccer, pekit dart, nyual pemakai enggau ai irup.sereta pemandang enggau main ungkup nembiak mit. — DayakDaily