LIMBANG, Jan 28: Pemujur besai ungkup Barisan Nasional (BN) ba Pengawa Bepilih Besai (PRU14) beguna amat dikena nentuka sada rayat Sarawak perintah besai.
Ku Menteri Kereja Raya Datuk Seri Fadillah Yusof, ke mega Ketuai Nembiak Parti Pesaka Bumiputera Bersatu (PBB), beguna amat ngagai BN Sarawak nandu pemujur ke udah diulih ba pengawa bepilih besai ke sebwdau tu.
“Sarawak (BN) enda tau enda menang besai ba PRU14 nengeri udah bulih kerusi kedua mayuh, pengudah Umno ba PRU ke sebedau tu,” ku iya bejaku ba pengerami Pampang Nembiak PBB ke diatur ba Dewan Suarah ditu kemari ke digulu MP Limbang Hasbi Habibollah, Paulus Palu Gumbang ADUN (Batu Danau) enggau Ripin Lamat ADUN (Lambir), Tuai Opis Kaunsil Pelilih Limbang Sufian Mohat ke mega ketuai nembiak PBB Bukit Kota, Ketuai Nembiak PBB Batu Danau PBB Elvis Mathew Bongsu sereta Ketuai Nembiak Bukit Sari PBB Madon Nasip.
Fadillah baru, pemujur besai ari negeri tu ulih nyaup BN ngaga polisi enggau pemutus ba renggat perintah besai lalu ngempu sada ke besai agi ungkup peranak Sarawak dalam kabinet perintah besai.
“Nengah penegap pengarap, perintah besai ulih meri ungkup belanja ke besai agi dikena ngemansangka Sarawak, nyengkaum belanja ungkup projek Pan Borneo Highway enggau sekula ke udah repuk di negeri tu,” ku iya. — DayakDaily
