KUCHING, Jun 24: Sarawak deka nerima dua injin pemadam api bansa Aerial Ladder Platform (ALP), dikena mantu pengawa madam ba endur ke tinggi.
Ketuai Direktor Bomba dan Penyelamat Malaysia, Mohamad Hamdan Wahid madah, nya sebagi ari 22 injin ke pemadu baru diempu opis nya, ke alai tetiap iti nya berega RM6 juta.
“Nya deka dikena ngaga pengawa nyelamat ke nadai alai orang ti dituntung penusah angus tepekul ketegal nadai jalai pansut, kelimpah ba sukut ke mar tauka nadai ruang alai tim bomba tama madamka api.
“ALP ulih diangkat sepeninggi maksimum 37 meter,” ku iya dikerandau baru-baru tu.
Ku Hamdan, tajapan udah bisi injin nya, tang chara madam ke pemadu ngasi ba bangunan tinggi iya nya ari dalam bangunan.
“Ke pemadu beguna sistem nyeliahka penusah angus moden ke meseti bisi dalam tetiap bangunan tinggi di menua tu.”
Iya ke mega anak Sarawak keterubah dipadu mangku penuduk nya nambah, menua tu kurang nerima ripot penusah angus ba endur ke tinggi ujung-ujung tu.
Tajapia kitai patut semampai sedia lalu anang ilap, ku iya.
Sentang sklylift ke mayuh udah rusak di serata menua, Bagi Injiniaring nguji miki serwta ngangkat manah perengka nya, ku iya. — DayakDaily
