SARATOK, Jan 21: Kaban Kunsil Negeri Meluan, Rolland Duat rmadahka iya udah dipilih nyadi direktor operasi pengawa bepilih Parti Progresif Demokratik (PDP) maya Pengawa Bepilih Besai (PRU14) di Saratok tu ila.
“Kerusi Saratok diempu PDP lalu kami deka majak meri servis taja pan MP ke diatu enda agi enggau PDP,” ku iya, lebuh nyuaka cek ngagai tuai rumah panjai di parlimen Saratok malam kemari.
Ku iya madah ngagai tuai rumah panjai enggau semua ke datai ngulu pengerami nya ti diatur ba Rumah Jail, Batu Empat, Sebetan, Saratok, ungkup belanja ke diberi nya datai Datuk Seri Mohd Najib Razak ke diberi nengah parti.
Semua penyampau belanja ke siberi nya bisi RM1 juta.
Sama bisi datai ngagai pengerami nya Subeng Mula, siku orang dagang ke dipechaya udah dikemendarka PDP nyadi chalun maya PRU14 di Saratok. — DayakDaily
