MIRI: Pengemeran hotel meseti mandang lalu magi penyampau Chukai dagang temuai berindik ari chukai nya diterit berengkah ari kemari.
Sekretari Besai Gerempung Hotel Malaysia (Bagi Sarawak) John Teo Peng Yew madahka nya atur baru ti patut dititih pengemeran hotel beduduk ari asil pengudah betemu Opis Menteri Wang enggau Kastam Diraja Malaysia empai lama udah.
“Orang ti bemalam lama mega deka dichukai,” ku iya ba sebengkah penerang kemari.
Temuai ari menua tasik di bemalam ba hotel tauka resort di Malaysia deka dipinta mayar purata RM10 sebilik semalam.
Iya mega madah, semina peranak asal enggau ke mendam menua Malaysia aja enda dipinta mayar chukai dagang temuai ti bemalam ba hotel tauka resort di menua tu.
“Chukai dagang temuai semina diterit ba semua peranak ari menua tasik ti bemalam ba hotel enggau resort di Malaysia,” ku iya.
Tetiap hotel deka melanja urung RM5,000 dikena ngemas baru sistem akaun sida, ku iya.
