KUCHING, Dis 11: Menteri Kereja Raya, Datuk Seri Fadillah Yusof madah, pengawa berandau entara perintah besai enggau perintah negeri benung dipejalaika lalu diatu udah manggai ba renggat kedua ti bekaul enggau undang-undang.
Ku iya, pekaea ti dikerandau entara Menteri Besai Datuk Seri Najib Tun Razak, Kepala Menteri Datuk Patinggi Abang Johari Tun Openg enggau ex-Kepala Menteri Sarawak niang Pehin Sri Adenan Satem bekaul enggau dua renggat iya nya tusun atur pengawa enggau undang-undang.
“Renggat keterubah iya nya tusun atur pengawa usah tembu lalu diatu datai ba pertama pekara kedua ke mar agi ti bekaul enggau ungkup undang-undang nyengakaum konstitusyen,” ku iya.
Fadillah ke mega Ketua Nembiak Barisan Nasional (BN) Sarawak madah, Menteri besai ke nandu pemutus perintah besai mulaik hak Sarawak Sabah sigi deka nyeliahka penyaru runding pasal pekara nya.
“Enti nitih nadai penerang bukai kelimpah ari ti udah dipesetuju laban kitai deka fokus sereta udah setuju ngiga chara mutarka pekara nya.
“Tang ba awak ke masa, kitai dekaka utai ti udah dipesetuju ba Sempekat Malaysia (MA63) suba nyengkaum tusun pengawa enggau undang-undang dipulaika ngagai Sarawak.” ku iya. — DayakDaily
