Raban graduate, rebak baru diguna nyaup ngemujur TN50

Khairy Jamaluddin

KUALA LUMPUR, Dis 2: Pemujur Transformasi Nasional (TN50) bela dibantu raban graduet enggau rebak baru ti meri penerang ke pemujur menua ungkup timpuh 30 taun jemah ila, pia ku Ketuai Nembiak Umno, Khairy Jamaluddin.

“Kita meh ke nentuka semua juluk tu ulih diasai. Kami begunaka penemukita enggau saup semua dikena ngemujurka TN50 ila,” ku Khairy ke mega nyadi Menteri Nembiak Lumba enggau Main dalam “Program Bicara Tokoh Muda” maya Gempuru Mahasiswa Nasional (Pemanas 5.0), ensana.

Pesan aku kitai meseti begulai. Enti kitai enda begulai, kitai enda ulih tetemuka pemujur jemah ila, ku iya.

Ku iya, Menteri Besai Datuk Seri Najib Razak madahka batang juluk TN50 iya nya nyadika Malaysia antara 20 buah menua ke pemadu nyulut di dunia ari segi ekonomi, pengelantang rayat, pemujur akademik, sereta pansik enggau pemansang.

Nya kebuah kitai meseti nyendiaka diri ari diatu lalu 30 taun timpuh ke chukup alai ktai nempa pemujur ke sama deka dipeda kitai, ku iya. — DayakDaily