BA KELALAN: Parti Pesaka Bumiputera Bersatu (PBB) Pampang Ba Kelalan minta penyandang MP Lawas ke diatu, Datuk Henry Sum Agong dichalun baru nyadi chalun Barisan Nasional (BN) ba Pengawa Bepilih Besai Ke-14 (PRU14).
Sapit Ketua PBB Pampang Ba Kelalan, Philip Pengiran Racha madah, pampang nya nyengkaum pampang nembiak enggau indu ti sepenemu nyukung Henry Sum dichalun baru.
Henry Sum dipadu nyadi Sapit Menteri Dagang Dalam Nengeri, Koperasi enggau Pekara Bebeli Barang kena bulan Jun taun taun siti nyin tadi sereta udah empat penggal nyadi.
Diatu iya beumur 71 taun lalu keterubah endar dipilih nyadi MP Bukit Mas ba taun 1999 sereta menang darat ba taun 2004. Pengudah ubah ba garis entara sitak pengawa bepilih digaga baru, iya menang ba taun 2008 enggau 2013.
“Kami minta NGO enggau ràban bukai ari luar Lawas ngambika enda nguna PRU14 nyadi pemerat diri empu ke ulih ngeruga penyerakup enggau solidariti di Lawas,” kupenerang nya.
