KUCHING, Oct 27: Polis udah chukup nyikap diri napi Pengawa Bepilih Besai Ke-14 (PRU-14) ila.
Pengarah Opis Pengelikun Dalam Negeri enghau Pengelikun Mensia Mayu (KDNKA), Datuk Seri Zulkifli Abdullah madah, latih berkaul udah, benung sereta dwka dipejalaika nyengkaum maya ngantjng nama chalun, bekimpin enggau hari ngundi.
Kitai deka nyendiaka diri napi sebarang penyadi nyengkaum latih pengelikun mensia mayuh ungkup ke sebedau enggau pengudah pengawa bepilih.
Iya bejaku munyi nya ba aum media pengudah bejadi Majlis Perbarisan Tamat Latihan Kursus Asas Pasukan Gerakan Am (PGA) Siri 2/2017 enggau Kursus Asas Marin Siri 1/2017 ba Pusat Latih Polis (Pulapol) Kuching, Puncak Borneo ditu kemari.
Sama bisi datai, Sapit Pengarah KDNKA, Datuk Abdul Hamid Mohd Ali, Ketuai Opis Penusun enggau Pengatur Pengawa Indu Opis Polis Kontinjen Sarawak, Datuk Zamani Hamdan, Komander Pasukan Polis Marin (PPM) Bukit Aman, Datuk Abdul Rahim Abdullah enggau Komandan Pulapol Kuching, Senior Asisten Komisioner Azman Salim.
Bisi 199 iku pesereta Kursus Asas PGA lalu 343 iku pesereta Kursus Asas Marin ari serata kandang marin serata menua. — DayakDaily
