KUCHING: Industri Mit enggau Jelan Pemesai (PKS) di menua tu bisi jalai ngerembai maju lalu nyaup ngangkatka ekonomi menua sereta ulih nyungkak tikas pengidup rayat, pia ku Kaban Kunsil Nengeri (ADUN) Tupong Fazaruddin Abdul Rahman.
Ku iya, pengerembai PKS di Sarawak mega manah amat lalu nya kebuah nengeri bela bisi ngatur mayuh bengkah inisiatif enggau insentif dikena ngemajuka sektor nya.
Ku Fazaruddin, bepelasarka pansik ekonomi ba taun 2016, 6.7 peratus ari semua 61,036 PKS di menua Malaysia beroperasi di Sarawak.
Iya bejaku munyi nya ngarika Menteri Muda Pemansang Orang Dagang, Industri Mit enggau Jelan Pemesai Sarawak, Datuk Naroden Majais bejadi Program Insken Outreach: ‘Strategi Peningkatan Skala Bisnes’ ditu kemari.
Ku iya, sesiku orang dagang ti deka mujur patut sedia betapi enggau mayuh bengkah pemarsereta berani ngereja pengawa ke nyelai, nguna kreativiti dikena ngulihka penatai pemisi.
