Pilih parti ti ulih meri pengidup ke meruan agi — Najib

Datuk Seri Najib Tun Razak

Follow and subscribe to DayakDaily on Telegram for faster news updates.


SANDAKAN, April 30: Menteri Besai Datuk Seri Najib Tun Razak minta rayat berunding enggau manah sereta rasional dengan milih parti ti ulih nempa pengidup sida ke manah agi jemah ila.

Ku iya, kriteria ke patut diperati iya nya enda milih orang ti bemainka emosi, slogan, betenah sereta beratka agenda diri empu.

“Nya ukai kriteria ke manah nya alai kena mih akal maya berunding dikena milih sapa ke ulih nempa pengidup ti manah agi jemah ila.


“Nyukung Barisan Nasional (BN) laban kita semua nemu dalam pengawa bepilih, kita meseti milih nama kriteria ke patut,” ku iya ba pengerami bejadika Sekolah Kebangsaan Bahagia di Batu Sapi ditu, sehari tu tadi.

Sama bisi datai Kepala Menteri Sabah Tan Sri Musa Aman, chalun BN Parlimen Batu Sapi Datuk Linda Tsen Thau Lin, chalun BN DUN Sekong Datuk Samsudin Yahya enggau chalun BN DUN Karamunting Lim Kai Ming ba Pengawa Bepilih Besai Ke-14 (PRU14) Mei 9 tu. — DayakDaily