KUALA LUMPUR: Petronas sehari tu tadi bebulaka jaku tuduh siku blogger ti madahka kompeni nya deka ngetuka 5,000 iku pekereja taun baru ti dipadahka ‘siti agi renggat ngurangka pekereja’ ba semua tim.
Ba sebengkah penerang sehari tu, Petronas ngenggaika jaku tuduh Syed Ahbar Ali ba web OutSyed the Box.
Ku kompeni minyak nya, proses meresa baru dagang raban nya ti dipejalaika ba taun siti nyin tadi, mungkur 2,300 iku pekereja baka ke dipadah sebedau tu lalu ba awak ke sama nadai perambau deka ngaga siti renggat baka ke dituduh nya.
“Petronas komited nempa chara gawa beprestasi tinggi lalu mengoptimum kuasa kereja sereta nyemaka pengawa ngemata belama ti begunaka pengulih enggau akaunbiliti ke tinggi agi sereta beratika prestasi ke tinggi agi ba bala pekereja.
