Pesta Sematan diatur 6-8 Oktober

Night scene at a carnival. — DayakDaily.com file pic. // Photo: Pixabay

Follow and subscribe to DayakDaily on Telegram for faster news updates.


KUCHING: Pesta Sematan 2017 deka diatur kena 6 nyentuk 8 Oktober 2017 ba Dataran Sematan.

Kaban Kunsil Nengeri (ADUN) N.3 Tanjong Datu, Datuk Amar Jamilah Anu madah,tuju pengerami nya diatur ngambika Sematan nyadi palan endur nemuai ke tebilang sereta ditapat bala temuai sebaka enggau juluk ngambika Sematan nyadi palan ekodagang temuai di Sarawak, ku iya lebuh dikerandau ba Program Nang Rindok RTM di rumah iya ensanus seraya madahka Pesta Sematan sigi diatur ninting taun pengudah Pesta Lundu.

Iya mega ngelaluka penatai semua mensia mayuh ari serata Sarawak ngulu program sekumbang tiga hari pengerami nya diatur.


Beserimbai enggau nya, mayuh bengkah batang main bisi diatur ke dipelaba ulih matak penatai mensia mayuh baka ‘Joran Tanjung Datu’, bebatak tali pantai, pekit nangkap sereta nanchang ketam enggau program Showcase Siti Pelilih Menua,Siti Industri (SDSI) Pelilih Lundu.

Kelimpah ari nya bisi mega main bukai baka Badang Sematan, Power Boat, Big Bike Gathering, futsal, dart, badminton, Pekit Nyura, Pekit Bintang Kecil sereta Pekit Begendang enggau mayuh agi.