Perintah Negeri diansak mulaika tanah ke bisi status LPF ngagai peranak di Kapit

Munan Laja

SIBU, Sept 13: Presiden Sarawak Workers Party (SWP), Munan Laja ngansak Perintah Negeri Sarawak mulaika tanah adat bansa asal (NCR) ke ari baruh status Lisin Nanam Kayu Kampung (LPF) di Bagi menua Kapit.

Ku iya, bisi 11 buah kompeni udah diberi lisin Suwa Sementara (PL) nya ungkup timpuh 60 taun.

Nitih ku Laja, PL ke diberi ngagai kompeni nya mega nadai bulih kemendar ari peranak asal menua nya dia.

Iya madah, bisi sejuta hektar tanah ba kandang menua nya ke dikeluarka surat PL nya.

Tanah nya meseti dipulaika ngagai pengempu tanah nya lalu diberi pala tanah, laban pekara nya diatu udah diteritka nengah undang – undang, ku Laja.

Tanah nya mega patt dipulaika nengah Opis Tanah enggau Survei ti bejalaika tanggungpengawa bekaul enggah pekara tanah, ku iya.

Laja madah, SWP nadai kala ngelaban pengawa ngemansangka tanah tang sida enggai meda ulah ke salah ngambi tanah rayat. — DayakDaily