MARUDI, April 6: Menteri Besai Datuk Seri Najib Tun Razak madahka perintah besai ngembuan pelin kereja ke kerajaan pusat mempunyai komprehensif dikena majak ngemansangka Sarawak ketegal potensi besai ke dikemisi negeri tu.
Perintah dekaka Sarawak terus maju laban potensi pemansang ke chukup manah lalu nya mudah agi ketegal kaul ti manah amat entara iya enggau Kepala amat Menteri Datuk Patinggi Abang Johari Tun Openg, perintah besai enggau perintah negeri, ku iya.
“Lebuh aku datai ke Sarawak, aku enda datai jari puang. Aku meri ungkup belanja tambah ngagai negeri tu dalam tetiap walkabout (sekumbang semilan taun nyadi menteri besai) nyentukka Sapit Kepala Menteri (Datuk Amar Douglas Uggah Embas) madah ke alai semua penyampau ti udah dikemendar ba semua ‘walkabout’ nya RM4.3 bilion,” ku iya.
Najib madah, laban juluk ati ke berat ngemansangka Sarawak, sekumbang timpuh semilan taun tu, iya udah nemuai Sarawak 60 kali ke mungkur 161 program di serata negeri.
Iya bejaku munyi nya ba Pengerami Ketuai Begulai enggau Rayat sereta Pengerami Ngelancharka Jematan Marudi di Dataran Tebuka Marudi ditu kemari
Sama bisi datai Abang Johari, Sapit Kepala Menteri Uggah enggau Tan Sri James Jemut Masing, Kaban Parlimen Baram Anyi Ngau enggau ADUN Marudi Datuk Dr Penguang Manggil.
Berebak enggau nya, Najib madahka pengawa ngaga Jematan Marudi ke beungkus RM84 juta nya deka merj pemaik ngagai urung 27,000 peranak dia.
Jematan nya deka ngemandakka timpuh pejalai, siti ubah besai ke patut udah digaga kenyau ari suba, ku iya. — DayakDaily
