SRI AMAN, Dis 6: Penduduk Menua Temiang, Batu Lintang Undop, enda lama agi deka bisi sebuah jematan baru ke lalu nyambung ngagai Sungai Undop.
Menteri Muda Pengelantang Komuniti, Datuk Francis Harden Hollis madahka jematan ke beungkus RM750, 000 nya deka meri pemaik ngaga peranak sekeda rumah panjai di menua Temiang enggau rumah panjai bukai ngelingi Batu Lintang.
Ku iya, projek ngaga jematan nya dipejalaika lalu dipelaba tembu digaga enda lama agi.
“Projek ngaga jematan nya ari baruh Program Transformasi Luar Bandar (RTP), ku iya.
Harden ti mega ADUN Simanggang madah, pengudah jematan nya tembu ila peranak menua ti bisi tanah ba seberai Sungai Undop ulih ngemansangka tanah sida enggau bemacham projek betanam betupi ti lalu nyaup ngemaju ekonomi ba kandang menua nya,” ku iya. — DayakDaily
