Penerang ti dipansutka See tau enda ibuh ditimbal – KM

“This article is a translation of CM doesn’t see the need to respond to See originally published on August 23, 2018.”

KUCHING, Ogos 24: “Nya pemutus (perintah kitai). Tau enda ibuh nimbal.”

Pia ku saut Kepala Menteri Datuk Patinggi Abang Johari Tun Openg ngagai pemberita lebuh dipinta nimbal sentang jaku mandal chairman PKR Sarawak See Chee How empai lama ti minta perintah anang dulu ngaga Jalai Besai kedua tang fokus ngagai pengawa ngaga perambu ngagai jalai Tebing Pantai enggau perambu ngaga Jalai Besai Pan Borneo.
Iya madah, Projek Jalai Besai kedua nya inisiatif perintah negeri, nya alai perintah nengeri bisi pematut bejaku pasal nya.
Ba aum pengarang berita kena 19 Ogos tu tadi, See ke nyadi Kaban Kunsil Negeri Batu Lintang sereta pemesai khas ngagai Menteri Kereja Raya, madahka pengawa ngagai tiga projek nya sereta tau ngambiska belanja negeri, nya alai patut ditangguh dulu nyentuk ke dua iti projek tembu dulu.
“Perintah dipeda gagit deka ngaga projek nya, tang dipeda kelalu mar sereta enda ngemantup ati sekeda piak, lalu enda patut tauka strategik.Tambah mega projek ke besai nya diperambu deka ngaga Jalai Besai kedua”, ku See.
Dua hari pengudah See mantaika langgur penemu nya, Sapit Kepala Menteri Tan Sri Dr James Jemut Masing, madahka  sebagi ari projek nya ke bendar ngangkat manah jalai tebing pantai ke bisi diatu, dikena ngangkatka sambung jalai kelimpah nangkup peminta ke diatu.
“Aku deka nyemetak madah ke alai sebagi ari projek Jalai Tebing Pantai nya ti diperambu dalam taun 1986 ke bendar udah tembu digaga taun 1980an nyentuk 1990an. Nya deka diangkat manah diatu laban negeri Sarawak udah majak mansang. Laluh kereja ngaga sambung jalai nya semina ngaga jematan dikena nyilih serbis feri”, ku Masing.
Ku iya, semua sambung Jalai Tebing Pantai nya patut tembu digaga dalam timpuh lima taun, tang perintah Pakatan Harapan udah netapka projek nya “ukai berat” lalu pemansang di menua pesisir “enda kritikal”.
Madahka empat jematan nya sebagi ari Jalai Tebing Pantai, ku Masing beratika perintah besai diatu nadai ati deka ngaga jematan nya meraka Batang Rambungan, Batang Igan, Batang kemena enggau Batang Lupar, petintah negeri nadai pilih bukai tang “ngena duit kediri empu dikena ngaga jematan nya”, ku iya. — DayakDaily