PBDSB dirijister baru, sedia napi PRN12

PBDSB’s letter of reinstatement from the Ministry of Home Affairs Malaysia National Registration and Societies Division. Photo courtesy of Bobby William.

KUCHING, 17 Ogos: Parti Bansa Dayak Sarawak Baru (PBDSB) udah mujur dirijister baru, ku presiden Bobby William.

“Aku bisi berita manah deka dipadah, PBDSB diatu udah dirijister baru ba Opis Pengerijister Gerempung (RoS).

“Berindik enggau nya, aku berasai gaga alai Dayak bisi platform politik endur nampung pengawa ngulihka juluk ke udah ditetap.

“Tajapia, kitai deka bekereja nengah GASAK ketegal kita deka ngelaban ba pengawa bepilih negeri ti deka datai dalam siti tim,” ku iya madah ngagai DayakDaily seharitu.

Bobby nambah, siti aum deka diatur dalam awak ke semak ngambi tau nentuka kuing parti kelebih agi ba sentang penyampau penuduk ti deka dikerebut parti ba Pengawa Bepilih Negeri Ke-12 (PRN12).


Aum ku iya bela berandauka bengkah kerejasama ke patut diadu begulai enggau 4 komponen bukai dalam GASAK.

GASAK mungkur Parti Aspirasi Rakyat Sarawak, Parti Pekerja Sarawak, Sarawak for Sarawakians (S4S), Sarawak Independence Aliance (SIA) enggau PBDSB.

Parti Dayak Parti Bansa Dayak Sarawak (PBDS) sebengkah parti ke ditumbuh ari Parti Kebangsaan Sarawak (SNAP) ke nyadi sebengkah parti ke pemadu lama di Sarawak.

PBDSB dikinsil RoS ba bulan Jun 2019.-DayakDaily.