KUCHING, Dis 4: Parti Pesaka Bumiputera Bersatu (PBB) parti ke ukai semina negika hak bansa Bumiputera, tang negika semua hak orang Sarawak, pia ku Kepala Menteri Datuk Patingggi Abang Johari Tun Openg.
Ketua Menteri Datuk Patinggi Abang Johari Tun Openg ti mega Presiden PBB madah, nyadi tulang belakang Barisan Nasional (BN) di Sarawak, PBB parur negapka rintai bala ketuai swrwta ngembuan strategi kediri dikena ngetanka hak orang Sarawak enda ngira usul etnik enggau kuing politik sida.
“Penaluk dalam PBB tegapa amat dikena ngangkatka angat PBB. Kitai sama ngangkatka parti kitai laban PBB jalai ungkup negeri Sarawak, ke jemah ila” ku iya lebuh bejaku bejadika Aum Pengari PBB Zon 1 Kuching di Penview Convention Centre ditu kemari.
PBB ku iya, sebuah parti ke nimpai jauh sereta nemu gaya parti nya jemah ila.
Iya ngelalau bala ketuai rebak baru parti nya ngambika semampai berakup sereta nemu nyerunyut ubah dikena ngenegapka parti nya.
“Tejuka PBB terus negika hak orang Sarawak sereta ngangkatka pengidup orang Sarawak,” tambah iya.
Sentang pemansang, Abang Johari meransang rwbak baru pupu bansa di negeri tu berakup nempa negeri tu nuju pemujur.
“Kitai meseti ngaduka ekonomi negeri kitai nengah chara ekonomi moden, kitai ubah negeri kita nuju lebih moden baka Silicon Valley,” tambah iya.
Ku Abang Johari, pengering sesebuah negeri bepanggai ba rayat ari sukut intelektual, sosial enggau pengelikun. — DayakDaily
