BINTULU, Jan 8: Kaban Parlimen Bintulu Datuk Seri Tiong King Sing meransang Pampang Nembiak Parti Demokratik Progresif (PDP) chakah agi mantu rayat ngambika rayat ingat lalu nyukung pengawa ke digaga sida.
“Peransang nya ukai semina dituju ngagai kaban kaunsil tetinggi aja tang mega kaban renggat bagi menua enggau pampang ke patut ngemerat sereta beratika pengingin enggau penanggul ke ditapi rayat,” ku iya.
Ku iya baru, Pampang Nembiak PDP patt regas mantu rayat ke betapi enggau penanggul ba renggat ke baruh sereta mantu pemansang negeri lalu anang semina nganti ketuai parti ngasuh.
“Anang ngaga parti nyadi ‘parti syok sendiri’ tang kaban parti patut selubang runding mantu sereta siru enggau penanggul rayat.
“Kaban parti tanang enda ingatka saup rayat ti meri mantu kuasa nengah sukung sida,” ku iya.
Ku iya, taja pan PDP sebuah parti mit tang bungkur meri setvis nya besai, lalau pengawa mantu rayat nya patut dikemeratka. — DayakDaily
