Palan industri baru deka ditumbuh ba Sibu

Datuk Amar Awang Tengah Ali Hasan

SIBU: Sapit Kepala Menteri Sarawak Datuk Amar Awang Tengah Ali Hasan madah, perintah nengeri nengah Opis Tanah enggau Survei deka ngelala tanah ke mungkur pemeai 40 hektar endur numbuhka palan industri baru di Sibu.

Palan industri baru ini dikearap ulih ngerembaika komuniti dagang kelebih agi ba sektor Industri Mit enggau Jelan Pemesai (PKS) ba kandang tengah Sarawak.

Bejaku lebuh nutup Seminar Pemansang Orang Dagang enggau Industri di Sibu Awang Tengah madah, pengawa ngambil tanah nya deka dipejalai nengah chara berenggat.

Awang Tengah ke mega Menteri Pemansang Industri enggau Orang Dagang Nengeri madahka perintah nengeri udah ngemedarka RM10.5 juta dikena ngangkatmanah perengka guna ba palan industri Rantau Panjang.

Sibu bisi dua palan industri iya nua di Upper Lanang enggau Palan Ngaga Kapal Rantau Panjang ti majak maju diatu.


Ku Awang Tengah, 42 ari 68 palan ngaga kapal di Sarawak nya di Sibu.