KUALA LUMPUR, June 30: Menteri Komunikasi enggau Multimedia, Gobind Singh Deo madahka opis menteri iya deka mekuh ngagai pengawa nyendiaka servis telekomunikasi enggau internet ti laju ba kandang menua pesisir di menua tu.
Ku iya, tu ulih meri pemaik ngagai semua rayat di selampur menua tu.
“Bisi sekeda penemu sereta opsyen bisi dipadahka ungkup pekara tu. Kitai ngarapka bisi pemutus sereta jaku tesau enda lama da agi. Terima kasih,” ku iya ba laman Twitter kelai saut iya sentang buah runding siku orang ti ngena akaun ‘@TuanAzmer’ bekait kualiti servis Internet enggau telekomunikasi di menua pesisir.
Ba kenang ke bukai, Gobind madah iya deka mansutka isu isi drama televisyen menua tu ti dipadahla enda ngembuan elemen ti ulih nempa modal mensia ba aum opis menteri nya ti deka datai.
Iya nyaut sebana penguna akaun Twitter ‘@MalequeArrasyid’ bekaul drama televisyen ke semina ngayanka cherita bekaul pengerindu aja
“Nyema bisi buah runding sentang program ke manah agi, terus padah ke aku. Terima kasih,” ku Gobind. — DayakDaily
