Naroden deka minta AIM nurunka bungai duit jali

Stacks of coins. — DayakDaily.com file pic. // Photo: Pixabay

MIRI: Menteri Muda Pemansang Industri Mit enggau (PKS) sereta Orang Dagang, Datuk Mohd Naroden Majais deka minta Indu Opis Amanah Ikhtiar Malaysia (AIM) Kuala Lumpur nurunka penyampau bungai duit jali ari 10 peratus ngagai 4 peratus.

Nya ngambika setipak enggau bungai ke diberi agensi bukai, penyampau ke di turun nya ulih mantu ngurangka tating orang ke nginjau ba Industri Mit enggau Jelan pemesai (IKS).

Iya bejaku munyi nya lebuh ngelanchar Kelab Usahawan Ikhtiar Miri (KUIM).

Naroden ngaku isu nyabketerubah endar iya dibai ADUN Lambir Ripin Lamat lalu iya setuju enggau nya.

Nyentuk taun 2016, bisi 62,000 IKS berejister di nengeri tu ke nambah ngenyit dibanding 43,850 IKS ba taun 2011.


Penyampau nya enda nyengkaum industri kotej ari pengemeran dagang mit AIM.

IKS meri peluang kereja kelimpah nambahka penatai pemisi lalu diatu ngerembai seriris enggau juluk ngemansangka e-Dagang ke meransang makit dagang ti besai agi.

Naroden ti mega Menteri Muda e-Dagang merandang pengemeran IKS nambahka penemu ba pekara internet ngambika ulih nyaup nyual produk sida.