KUCHING: Chairman Majlis Perbandaran Padawan, Lo Khere Chiang madahka opis kaunsil nya nadai kala ngenusahka bala pedaja Bidayuh ba Palan Bedaja Komuniti Genturung Pendiauk Bumbok, baka ke dituduh Abdul Aziz Isa ari DAP empai lama udah.
MPP udah suah berandau enggau bala pedaja, ku iya.
MPP mega udah melanja nyauka RM sejuta dikena ngemanah setera ngaga penyikap infrastruktur ba Genturung pendiau Bumbok, ku Lo baru.
Kami sama udah setuju ngelala pengawa ke patut dikereja dikena ngemanahka agi palan bejual ke baru nyengkaum nyendiaka bekal karan, ai enggau ke bukai ku iya.
Majoriti bala pendaja udah setuju deka pindah ngagai palan bedaja ke baru nya.
Ku Lo madah, taja pia bisi mega sekeda pedaja ke enggai pindah ngagai palan baru, tang MPP bisi kuasa ngaga pemutus pengudah berundingka penemu ari kededua piak ti tau pulaika pemaik ngagai semua.
Nyema semua ulih bekerjasama lalu bejual ba palan ke baru digaga,nya deka muka peluang dagang ngagai semua, ku Lo baru
