MPN nyukung perintah ke baru ditumbuh

Handshake. — DayakDaily.com file pic. // Photo: Pixabay

KUALA LUMPUR, Mei 12: Chara berunding enggau chara kereja Majlis Profesor Negara (MPN) deka disebaka setipak enggau aspirasi sereta agenda pemansang ti deka dipejalaika Perintah Pakatan Harapan.

Presiden MPN Profesor Datuk Dr Raduan Che Rose madah, pengudah Pakatan Hrapan menang ba pengawa bepilih besai ke-14 kena 9 Mei tu tadi, pemerintah baru menua deka belabuh numbuhka perintah.

MPN, ku iya meri sukung ngagai perintah baru ti ditumbuh.

“Batang pekara ti deka dipejalaika MPN iya nya naka ulih mantu perintah nengah pengelandik sereta chara struktur ti dikemansang ba renggat Pusat, Kluster enggau Chapter,” ku iya ba sebengjah penerang.

Ku iya, akademik ti bepelasarka penemu, bukti deka majak nyadi chara MPN bejalaika pengawa.


Tambah iya, MPN deka bejalaika pengawa nyadi Pemikir Menua ke nyerumba akademik lebuh berandauka semua isu sechara tebuka bepelasarka fakta enggau bukti.

Berebak enggau nya, MPN deka semampai relevan, dioebasa sereta nyadi referan. — DayakDaily