KUCHING, Nov 17: Pemansang tanah bansa asal semampai dikemeratka perintah endur bejalaika pengawa betanam betupi kelebih agi di menua pesisir Sarawak.
Ketegal nya, ubah ba model ngemansangka tanah chara begulai (JV) deka digaga sereta disilih enggau model bukai ti tau dipilih orang ke ngempu tanah nya.
Sapit Kepala Menteri nya madah,naka ke diatu, 808,826 hektar NCR udah disukat kelingi lalu 643,017 hektar udah digazet nyadi tanah rizab bansa asal nengah Seksyen 6 Kod Tanah Sarawak.
Ku iya, 617,776 hektar udah diberi pala tanah nengah Seksyen 18 Kod Tanah Sarawak ti mungkur 15,351 lot.
Kelimpah ari nya model suwa tanah mega deka dibantaika ba kabinet.
Uggah bejaku munyi nya lebuh ke nyimpul jurai iya ba Aum Kunsil Negeri Ke-18, Penggal Kedua ba Dewan Kunsil Negeri pagi tu tadi. — DayakDaily
