Menteri, Sapit Menteri ke makai suap deka ditingkil ari kabinet — Dr M

Tun Dr Mahathir Mohamad

JAKARTA, Jun 30: Tun Dr Mahathir Mohamad madah menteri ke ditemu bisi makai suaptauka ngelimpang belanja deka ditingkil ari kabinet perintah Pakatan Harapan.

Atur nya deka dipejalaika ngenyit enti sida ditemu amat ngereja penyalah nya, ku menteri besai nya lebuh dipinta ngelansa pasal kriteria rintai kabinet ke dipadu sereta deka ngangkat sumpah di Istana Negara kena Julai 2 tu.

Dr Mahathir madah munyi nya ngagai pemberita Malaysia ba hari ke penudi penemuai rasmi dua hari iya ke Indonesia kemari.

Istana Negara sebedau tu madaka pengawa ini ngangkat sumpah laluh rintai Kabinet deka diatur di Istana Negara, Julai 2 tu.

Datuk Pengelola Bijaya Diraja Datuk Wan Ahmad Dahlan Abdul Aziz madahka Yang di-Pertuan Agong Sultan Muhammad V udah nerima rintai nama menteri enggau sapit menteri Kabinet kena Jun 20 tu tadi.


Dr Mahahir sebedau tu mega ngamatka laluh rintai menteri nya udah ditetapka. — DayakDaily