KUALA LUMPUR, Sept 5: Ukum lunsin ti dipejalaika Kort Tinggi Syariah Terengganu ensana ngagai dua indu ke nguji beleman enggau pangan diri dalam kerita udah mantaika bemacham penemu negatif ari mensia mayuh.
Nya kebuah, mensia mayuh patut diberi penerang sentang bida entara ukum lunsin ti dipejalaika kort syariah enggau kort sivil, laban kedua-dua nya ngembuan chara ke bebida.
Penemu negatif nya dipechaya ketegal kurang pemereti ba mensia mayuh sentang ukum nya ti dipejalaika kort syariah.
Presiden Gerempung Luyar Syarie Malaysia (PGSM), Musa Awang madahja mensia mayuh anang kesal ati tauka irau laban ukum lunsin ti dipejalaika kort syariah endang bebida ari chara ukum ke sebaka ti dipejalaika kort sivil.
“Kami nemu mensia mayuh kesal ati sereta enda setuju enggau ukum nya laban enda teleba enggau ukum kort syariah ke sebaka enggsu kort sivil, tang nya enda amat,” ku iya kemari. — DayakDaily
