Malaysia dipilih endur ngatur Pengerami Hari Denggi renggat Menua

Female aedes albopictus mosquito. ā€” DayakDaily.com file pic. // Photo: Pixabay

KUALA LUMPUR, Jun 16: Pengerami Hari Denggi ASEAN renggat Menua deka diatur kena Julai 7 tu, ke betuju deka ngaga inisiatif advokasi be pengawa ngemunaska penyaki denggi.

Menteri Pengerai, Dr Dzulkefly Ahmad ba sebengkah penerang berita kemari madahka pengerami renggat menua nya deka diatur ba Sekolah Rendah Agama Sungai Kayu Ara, Damansara Utama ke deka dipenyadika iya empu.

Taun tu, Malaysia udah dipilih nyadi tuai rumah Pengerami Hari Denggi Asean 2018.

“Ramabai jaku Hari Denggi ASEAN 2018 iya nya ‘ASEAN Community Against Dengue’ lalu pengari ari semua kaban ASEAN deka dikangau datai ngelancharka pengerami nya.

“Entara aktiviti ke udah diperambu baka promosi media, pemandang surat kabar, pemandang sentang projek inovasi denggi enggau ‘Communication for Behavioural Impact (COMBI), penemuai pengari raban ASEAN sereta konvensyen COMBI,” ku iya.

Dr Dzulkefly madahka konvensyen COMBI nya atur pengawa dua taun sekali opis menteri nya ke deka diatur dalam bulan Oktober tu ila di Perak.

“Kelimpah nya, Aum Besai Denggi Asia ke-3 2018 deka diatur kena Julai 5-6 tu ke lalu meri awak ngagai semua ke bekaul dalam bidang ke pakar ba denggi besilih sereta ngemaru penemu.”

Opis menteri nya ngarapka pengawa nya diterus dikena nentuka rayat di menua tu ulih ngasaika tikas idup ke bekualiti sereta nadai penyakit denggi, ku iya. ā€” DayakDaily