PUTRAJAYA, Jun 18: Opis Menteri Pelajar deka meli minyak diesel ke nyadi siti chara jampat dikena mutarka penanggul mekal kuasa elekterik ngagai beberapa buah sekula di Sarawak.
Menteri Pelajar, Dr Maszlee Malik madahka Opis Menteri Wang mega udah berunding meli nya kemari.
“Belanja deka diberi ngagai Opis Pelajar Negeri Sarawak enggau lengkas ngambika sida ulih meli.”
“Aku deka nentuka bekal diesel ulih dianjung ngagai sekula nya enggau naka penyampat sebedau bala nembiak ngambiska kemisi,” ku iya ba sebengkah penerang kemari.
Dalam penerang nya, Maszlee madahak diri udah dipadah pasal penanggul elektrik ke ditapi beberapa buah sekula di Sarawak.
Ku iya, sekula nya patut bulih bekal minyak diesel ari kompeni Jepak Holdings Sdn Bhd tang kompeni enda nyendiaka bekal ke chukup. — DayakDaily
