KPDNKK nerima 47 sebana sekumbang ‘Op Catut 4.0’ dipejalaika

Grocery store aisle and shelves. — DayakDaily.com file pic. // Photo: Pixabay

KUCHING, Jun 6: Opis Menteri Dagang Dalam Negeri, Koperasi enggau Pekara Bebeli Barang (KPDNKK) Sarawak nerima 47 sebana ari mensia mayuh bekaul enggau rega barang kenyau ari raban opis nya berengkah meresa premis dagang kena 24 Mei.

Pengawa meresa nya dipajakka KPDNKK Sarawak ke nyadi sebagi ari ‘Op Catut 4.0’ ti dipejalaika dikena nyikap orang dagang ngambika nitih pemutus perintah bekaul Chukai Barang enggau Servis (GST) enam peratus ngagai kusung peratus ti diteritka berengkah ari 1 Jun.

Direktor opis nya Datuk Stanley Tan madah, nengah Op Catut 4.0 sida udah meresa 22,834 premis dagang lalu neritka adat ba 183 kes sentang bemacham penyalah ti bekaul enggau dagang.

Ku iya, nya nyengkaum ngerampas barang dagang ke beungkus RM324,016 sereta ninggangka kompaun RM20,000, kelimpah ngeluarka 29 tangkan ngagai orang dagang ti enda nitihka atur.

Iya minta minta mensia mayuh ti deka ngenataika sebana bekaul penyalah orang dagang tau betelefon ngagai Opis KPDNKK nengah lumur nadai tol 1-800-886-800 tauka email ke [email protected] — DayakDaily