![Telang Usan assemblyman Dennis Ngau](https://i0.wp.com/dayakdaily.com/wp-content/uploads/2017/09/Dennis-Ngau-e1504607441266.jpg?resize=600%2C522&ssl=1)
MIRI, Jun 10: Opis Menteri Dagang, Koperasi enggau Pekara Bebeli Barang (KPDNKK) dipinta beratika Chukai Barang enggau Servis (GST) ti udah diturun lalu diteritka ngagai kusung peratus ba kandang menua pesisir.
Kaban Kunsil Negeri Telang Usan, Dennis Ngau beratika rega barang mengkang sebaka di menua pesisir taja pan GST udah diketu kenyau ari 1 Jun lalu KPDNKK meseti beratika pekara nya.
“Opis Bekuasa KPDNKK dipinta ukai semina beratika rega barang ba supermarket, kedai renchit enggau pasar basah di mengeri besai aja tang mega di menua pesisir. Kami enggai pekara nya semina di mengeri besai aja tang mega di menua pesisir,” ku iya lebuh dirandau pembwrita empai lama udah.
“Pengawa neritka Kusung Peratus GST ukai ulih mutarka penanggul ungkus pengidup ke besai dalam timpuh panjai enti nadai chara baru lalu atur neritka baru 10 peratus SST dalam bulan September ti deka datai deka mgasuh rega barang nyadi mar baru ila.
“Penanggul rega barang niki ukai pekara baru lalu kami udah ngasaika nya sebedau bisi GST lalu pengamat iya, nadai siku pan pengilang deka nanggung ungkus SST nya kediri ke tetap deka dikunsi sida enggau pemeli,” ku iya. — DayakDaily