PUTRAJAYA, Jun 26: Komiti Negapka Pelajar Teknikal enggau Latih Vokasional (TVET) deka fokus mai ubah ba TVET ngambika nyadi pilih setikas tauka manah agi ari bidang ijazah tauka ijazah sarjana.
Chairman komiti nya Nurul Izzah Anwar, madahka pengawa negapka TVET deka nengah beberapa renggat enggau renggat keterubah deka dipunka betemu enggau sekeda raban orang ke bisi pemerat ba nya.
“Aku deka ngatur pengawa betemu nya dalam timpuh kurang dua bulan ke ngaul raban industri, perintah, pribit enggau nembiak,” ku iya pengudah baum enggau Menteri Pengatur Pengereja Pengawa M. Kulasegaran ditu kemari.
Iya mega dekaka TVET di menua tu ditusun sereta teratur nengah sekeda ripot sentang nya sebedau tu ke deka diguna.
“Mayuh ripot ke diterima sebedau tu ke deka disilik baka ari Unit Pengurusan Prestasi enggau Pelaksanaan (Pemandu), Boston Consulting Group ke dikemata ari baruh Opis Menteri Pengerja Pengawa enggau Opis Sumber Menteri Wang.”
“Aku pechaya barang iya pemutus kami ila patut digaga enggau manah ,” ku iya, seraya madah negapka TVET mega dikena napi pemar Revolusi Industri Ke-4 (Industri 4.0). — DayakDaily
