KM deka mantaika siti agi projek besai ungkup Sarawak dalam bulan Oktober

Datuk Patinggi Abang Johari Tun Openg. — DayakDaily.com file pic

KUCHING, Mei 6: Kepala Menteri Abang Johari besemaya deka mantaika siti agi projek besai ti deka digaga iya ke Sarawak dalam bulan Oktober tu ila.

Ketua Menteri Datuk Patinggi Abang Johari Tun Openg mega madahka komitmen iya deka ngulihka belanja besai ungkup Sarawak ke betuju dikena ngemansangka Transit Aliran Ringan (LRT).

“Penyakal madaka perambu kitai deka ngaga siatem LRT tu semina ‘hot air’,” ku iya

“Pengawa ngaga LRT begunaka timpuh lapan taun lalu kitai deka ngulih belanja kediri dikena ngaga LRT ti beungkus RM11 bilion.

“Aku nyamin ngulihka pemisi tambah ungkup Sarawak lalu mulaika nya ngagai negeri tu,” ku iya.


Bejaku bejadi Program Sejiwa Senada di Dataran Bandar Baru MJC Batu Kawa, Abang Johari ngaku Sarawak udah ngempu 25 peratus ekuiti Malaysia LNG Tiga Sdn Bhd (MLNG Tiga).

Nya mai reti Sarawak bisi penatai pemisi tambah RM2 bilion setaun ari dividen MLNG Tiga.

Ku iya, kelimpah penatai pemisi tambah MLNG Tiga, Sarawak mega ulih ngemansutka penatai pemisi ari ngaul diri dalam industri minyak enggau gis.

Ku iya, anang beserekang penemu agi pasal penyampau agih penyampau dalam peratus laban udah datai ba may ke patut Sarawak empu nyeretai industri minyak enggau gis, lalu kitai deka bulih mayuh agi penatai pemisi dikena ngemansangka utai ke diguna rayat,” ku iya. — DayakDaily