Ketuai SPRM ngelengkaka pangku pengawa iya pagi tu tadi

Signature. — DayakDaily.com file pic. // Photo: Pixabay

PETALING JAYA, Mei 14: Ketuai Pesuruhjaya Opis Nagang Makai Suap Malaysia (SPRM) Tan Sri Dzulkifli Ahmad ngelengkaka pangku pengawa, pagi tu tadi.

Nitihka pemadah surat ngelengkaka pangku pengawa nya udah disuaka iya ngagai Ketuai Sekretari Menua (KSN) pagi tu.

“Ya surat ngelengkaka pangku pengawa udah disuaka ngagai KSN pagi tu,” ku pemadah nya.

Dzulkifli, 50, dichiri mangku pengawa nya kena 1 Ogos 2016 nyilih Tan Sri Abu Kassim Mohamed ti diasuh nyadi Pakar Perunding Integriti, Fakulti Undang-undang di Universiti Teknologi Mara (UiTM).

Berebak enggau nya, nama Abu Kassim disebut-sebut deka dichiri baru manhku pengawa nya pengudah Dzulkifli nyurutka diri.


Berebak enggau nya, pengawa nyaga pengelikun ba Indu Opis Nagang Makai Suap Malaysia (SPRM) di Presint 7, sehari tu mega diteritka agi.

Tinjau media ba bangunan nya pagi tadi beratika entukar ke tama pansut ke bangunan nya diperesa silik raban Opis Volunteer Malaysia (Rela).

Raban Rela mega meresa ba dalam tetiap burit entukar hagian but setiap kenderaan sebedau dikemendarka pansut ari bangunan nya.

Nitihka pemadah, prosedur nya dipejalai atas perintah pemesai SPRM dikena nentuka nadai dokumen rasia dibai pansut ti nadai pemendar ke sah. — DayakDaily