Ketuai raban bansa patut mandang chunto ulah ke manah

MARUDI, Dis 14: Tetiap iku ketuai raban bansa nyengkaum ti nyadi ketuai Komiti Pemansang enggau Pengelikun Genturung Pendiau pemimpin (JKKK) patut mandang chunto ulah ke manah pengudah dikearap mangku tanggungpengawa gawa ke raban bansa, pia ku Menteri Muda Kaunsil Kandang Menua Datu Dr Penguang Manggil.

Ku iya, semua ketuai raban bansa sekalika ari genturung pendiau tauka rumah panjai ti dipilih dikearap fokus ngereja pengawa sida dikena nentuka peranak menua sida bulih pemaik kelebih agi ba pelilih enggau kandang menua sida.

Ku iya ke mega Kaban Kunsil Negeri (ADUN) Marudi, individu ti udah dipilih nyadi ketuai nya sigi individu ti ulih dikearapka.

“Kami enggai ninga sebana ke alai bisi sekeda ketuai nya ngaul diri enggau ulah ti enda manah baka mabuk sereta nyabung manuk,” ku iya.

Iya bejaku munyi nya ba pengerami nutup kus ketuai raban bansa di Dewan Suarah Baram ensana.

Penguang mega ngelalau ketuai raban bansa, kelebih agi ketuai JKKK, ngemas profil ruang bilik dalam komuniti sida. — DayakDaily