“This article is a translation of PRS leader challenges See to get federal funds for rural roads originally published on August 25, 2018.”
KUCHING, August 26: Kaban Kaunsil Besai Parti Rakyat Sarawak (PRS) Sempurai Petrus Ngelai ngelalau pemesai khas Opis Menteri Kereja Raya, See Chee How, ngambika fokus ngagai pengering iya ngulihka duit ari perintah besai ngambika bisi dikena ngaga jalai di menua pesisir Sarawak, ari ti muai jam ‘bemain politik’ lalu nguji nginsil projek jalai ti diperambu perintah negeri.
Nengah sebengkah penerang, Sempurai madah ngagai See, sebarang penemu ti udah dibantaika presiden PRS Tan Sri Dr James Masing bekaul enggau ngelimat jam pejalai enggau pemanjai jalai nya ke bendar penemu rama laban Opis Kereja Raya (JKR) negeri udah ngemansutka penerang silik pun bulan tu tadi.
“Tan Sri nadai kala saru sereta semampai komsisten enggau utai ti deka digaga iya ba pekara ngaga jalai ngagai komuniti di menua pesisir,” ku Sempurai ke mega Chairman Bagi PRS Dudong.
Ku Sempurai, tu nimbal penerang ti dipansutka See sebedau tu ti madahka deka ngaga riput ngagai Speaker Dewan Kunsil Nengeri sentang Masing, ke mega Sapit Kepala Menteri.
See madahka Masing udah ngelanggar ‘hak keistimewaan’ iya nengah pengawa nyendiaka penerang ti “Penerang ti ngasuh sar sereta enda amat” bekaul enggau Projek Jalai Besai Kedua ke beungkus RM6 milion maya Aum Kunsil Negeri kena bulan November taun 2017 enggau Julai 2018 nyengkaum penerang ti dipansutka ba DayakDaily kena, 21 Ogos tu tadi.
Ari perati Sempurai bekaul enggau See ke mega Kaban Kunsil Negeri Batu Lintang, udah berubah pengudah Pakatan Harapan (PH) udah bulih kuasa pengudah pengawa bepilih kena 9 Mei tu tadi.
“See dipeda udah berubah kuing pengudah perintah enda ngakun tanggung pengawa iya ngaga jalai ke Negeri Sarawak.
“Iya patut anang masah jam iya bepamin politik ngelaban Menteri Pemansang Infrastruktur enggau Perengka Pengangkut (Masing). Iya patut ngulihka duit ari perintah besai ngambika ulih ngagai mayuh agi jalai menua pesisir di Sarawak.”
Ku iya, semua ulah ti dipunka See nya ke mega mandal chairman PKR bendar iya, dikena ngalihka perati pengudah iya enda mujur minta agih belanja ari ala ketuai iya di Semenanjung dikena ngaga jematan meraka Batang Lupar. — DayakDaily
