Kapal tungkang karam di Kapit

Anggota bomba melakukan operasi pencarian untuk dua mangsa yang hilang.

KAPIT, Jan 30: Dua kelasi dipelabaka tepekul sereta lemas spengudah kapal tungkang ke ditepan seduai karam di Nanga Ebau, Batang Rajang pagi kemari.

Penulung Pengarah Operasi Bomba enggau Penyelamat Negeri, Tiong Ling Hii madah, sida nerima berita pasal penusah nya urung pukul 10.33 pagi ke alai Balai Bomba enggau Penyelamat Kapit lalu berumbam ngesah penusah nguna entukar 4WD enggau sebuah bot penyelamat ke diseretai tujuh iku raban bomba.

Belam dianjung ngagai palan penusah ke nyadi, enam iku penyelam penyelamat dalam air (PPDA) ari Balai Bomba enggau Penyelamat Sungai Merah.

Ku Tiong, nitihka pemadah tumu penusah nya nyadi ba sebuah kapal tungkang ke ngundan batu.

“Diripot mega bisi tujuh iku di dalam kapal lebuh penusah nya nyadi ke alai lima iku ari nya mujur nyelamatka diri.

“Nitihka pemadah ari polis, dua iku nya dipelabaka tepekul dalam tungkang nya.

Ku iya, tim penyelamat ari Balai Kapit enggau ejensi bukai diatu benung ngiga seduai ke agi lenyau nya. — DayakDaily