Kampus CENTEXS deka digaga di Dalat

Fatimah (tengah) merasmikan CENTEXS Dalat.

MUKAH, Jan 29: Opis Menteri Pengatur Penyampau Pengereja Pengawa nagit nyerumba taun 2020, 1.5 juta kereja baru dalam sektor kereja teknikal meseti ditumbuh dikena ngisi pengawa puang dalam bidang pengelandik.

Menteri Pengelantang Pendiau Komuniti, Orang Indu, Ruang Bilik enggau Pemansang Anak Mit Dato Sri Fatimah Abdullah madah, nya setipak enggau juluk perintah numbuhka Centre Of Technical Excellence Sarawak (CENTEXS) dikena nentuka bidang pengelandik diisi pengereja pengawa ke landik ari peranak menua tu.

Bejaku lebuh Bejadika Kampus Sementara CENTEXS Dalat, Fatimah madahka palan nya ditumbuh bechuntoka Jerman enggau Jepun ti udah mujur ngangkatka tikas ke tinggi pekereja kolar biru.

Ku Fatimah bidang teknikal ukai bidang kelas kedua, tang patut ulih meri penyampau gaji ke manah sereta besai ngagai pengereja pengawa ke landik.

CENTEXS Dalat ngambi 15 iku nembiak dalam bidang Tekstil enggau Hospitaliti ari sekula sekondari ngelingi Mukah sereta mega nembiak ari luar.


Kenyau CENTEXS diutmbuh ari taun 2014, palan nya udah mujur nempa 1,700 iku nembiak ke diatu gawa di serata Sarawak.

Naka ke diatu ku iya, lebih 90 peratus nembiak ke graduate ari bemacham bidang di CENTEXS udah bulih kereja.
Kampus mendam CENTEXS ke berega RM50 juta deka digaga di Dalat. — DayakDaily

Share this article!