KUCHING, Ogos 9: Opis Tenaga Kerja (JTK) Sarawak sehari tu ngelancharka operasi sereta di serata negeri ngagai palan bejual pemakai bekaul atur nitihka Ordinan Buruh Sarawak Bab 76.
Operasi ngaul 99 pemesai penerit adat ba kesemua 17 opis JTK betuaika Ketuai Bagi Standard Perburuhan JTK Sarawak, Jamillah Putit.
Jamillah lebuh ke dikerandau maya operasi dba sebuah premis nyual pemakai di Pasar Baru Batu Kawah (MJC) ditu, madahka tuju meresa nya dikena nentuka pengaji nitihka hak-hak pekereja baka nitihka pematut mayur gaji minimum, kemisi sakit, bayar kereja lebih jam sereta nyidi sekalika bisi pekereja baruh umur enggau ngajirakyat menua bukai.
“Nyema bisi ditemu ngelanggar undang-undang opis Tenaga Kerja Sarawak deka ngeluarka surat notis minta pengaji nitihka undang-undang ti ditetapka.
“Kelimpah ari nya, bisi mega kes ke alai opis kami lalu muka keretas tasat ke tuju meri kompaun enggau nawa,” ku iya. — DayakDaily
