KUCHING, Nov 14: Jalai darat ke Kapit disadang tembu digaga ba taun 2019, pia ku Menteri Kerja Raya Datuk Seri Fadillah Yusof.
Ku iya, projek jalai nya sigi ngaga akses jalai darat ke menua pesisir Sarawak, kelebih agi Kapit enggau dunya luar ke ngelama tu ti semina ulih dilawa nengah jalai ai Batang Rajang.
“Projek ngaga jalai ke nyambung Kapit nya ari baruh Opis Menteri Pemansang Menua Pesisir enggau Kandang Menua (KKLW) ti dipejalaika Opis Kereja Raya (JKR) Sarawak,” ku iya.
Ku iya baru, kitai diatu benung ngaga laluh pengawa ba jalai nuju ke Kapit lalu aku melabaka ba taun 2019, Kapit deka disambung jalai darat.
Entara projek jalai ke besambung enggau Kapit iya nya Jalai Kapit-Song-Kanowit-Sibu sepenyauh 102km ti begunaka ungkus RM800 juta. — DayakDaily
