Jalai dipansa LRT deka dibantai kena Mac 29 — KM

Datuk Patinggi Abang Johari Tun Openg. — DayakDaily.com file pic

KUCHING, Mac 26: Jalai ke dipansa Projek Sistem Aliran Ringan (LRT) deka dibantai kena Mac 29 tu.

Mansutka pekara nya, Kepala Menteri Datuk Patinggi Abang Johari Tun Openg madah projek nyadi siti program pemansang besai di negeri tu.

“Aku enda bula lalu tu ukai pekara politik. Kena Mac 29 aku deka mantaika jalai ke deka dipansa LRT,” ku iya.

Iya mansutka jaku nya ba sebengkah pengerami di Batu 7 di Kuching kena malam Hari Enam tu tadi.

Abang Johari nambah, projek LRT nya meseti diperambu enggau silik.


Ku iya, kitai meseti nentuka bengkah ‘train’ ke patut dikena, bengkah injin sereta kapasiti, semua tu meseti dipansik enggau silik.

“Tang bisi sekeda orang madah projek tu semina ‘hot air’. Tembu jemah, iya mega deka nepan LRT tu,” ku Abang Johari. — DayakDaily